Kinologiialyq esepti qosa alǵanda 10 adamnan turatyn respýblikalyq jedel-qutqarý jasaǵynyń (RJQJ) jeke quramy Túrkistan oblysynyń taýlarynda izdestirý-qutqarý jumystaryn jalǵastyrýda, dep habarlaidy "Ult aqparat".
10 maýsym kúni Ógem arnasynyń boiyndaǵy Jetiúńgir shatqaly men Ógem jáne Aiǵyrjyqqan ózenderiniń qosylǵan jeri zertteldi, alaida izdeý jumystary nátije bermedi.
11 maýsymda RJQJ qutqarýshylary tikushaqpen týristerdiń zattary tabylǵan jerge jetkizildi.
«Qutqarýshylar eki topqa bólinip, Aiǵyrjyqqan shatqalynda izdestirý-qutqarý jumystaryna kiristi. Izdeý-qutqarý jumystary ózenniń kúshti aǵysyna jáne taýly relefke bailanysty kúrdelene túsýde. Sonymen qatar, joǵalǵan stýdentterdi izdeý aimaǵyn keńeitý maqsatynda, 11 maýsym kúni Respýblikalyq jedel-qutqarý jasaǵynan qosymsha kúsh retinde, jeke quramnan 8 adam jiberildi, onyń 2 kinologiialyq esep»,-dep habarlady «QR TJM RJQJ» MM baspasóz qyzmeti.
Eske salasaq, ótkende Tólebi aýdanynyń 112 pýltine, Sairam-Ógem memlekettik ulttyq tabiǵi parkiniń aýmaǵynda 7 adamnyń joǵalǵany týraly habarlama 2021 jylǵy 25 mamyrda, 18 saǵat 30 minýtta kelip túsken bolatyn.
21 mamyrda týrister jaiaý «Sary-Aiǵyr» shatqalyna bet alǵan, al 24 mamyr qaitý kerek bolatyn.
Buǵan deiin joǵalǵan úsh týrist tabylyp, qutqaryldy.
Ókinishke orai, eki týristiń denesi tabyldy.
