Foto: Gov.kz
Túrkistan oblysynyń prokýrory Marat Álihanov jumys ornynda qaitys boldy. Bul aqparatty Bas prokýratýranyń baspasóz qyzmeti rastady.
Marat Tileýqabyluly 2020 jyldyń aqpanynda Bas prokýrordyń buiryǵymen Túrkistan oblysynyń prokýrory bolyp taǵaiyndalǵan edi.
Marat Álihanov burynǵy Tselinograd oblysynyń Esil qalasynda 1965 jyly týǵan.
Evnei Bóketov atyndaǵy Qaraǵandy memlekettik ýniversitetin "quqyqtaný" mamandyǵy boiynsha bitirgen.
Eńbek jolyn 1989 jyly Aqtóbe oblysynyń Aqtóbe qalalyq prokýratýrasynda taǵylymdamashy-tergeýshi qyzmetinen bastaǵan.
Aqsý aýdanynyń soty, Pavlodar oblysynyń Ekibastuz aýdany, Aqsý qalasy men Pavlodar aýdanynyń prokýrory qyzmetterin atqarǵan.
Bas prokýratýranyń basqarma men Quqyqtyq statistika jáne arnaiy esepke alý jónindegi komitetinde jáne Aqmola oblysynda quqyq qorǵaý organdarynyń basshylyq quramynda qyzmet etti.
Bas kólik prokýrory Pavlodar oblysy prokýrorynyń birinshi orynbasary boldy.
