Túrkistan oblysynyń shekarasyna blok beketter qoiyldy, dep habarlaidy "Ult aqparat" oblys ákiminiń baspasóz qyzmetine silteme jasap.
"19 naýryz saǵat 00.00-den bastap Nur-Sultan men Almaty qalalary karantinge jabyldy. Soǵan sáikes kópshilik ońtústikke aǵylyp jatyr. Oblystaǵy politsiia men meditsina qyzmetkerleri kúsheitilgen rejimge kóshti. Mamandar árbir kólikti toqtatyp, arnaiy qurylǵymen azamattardyń dene qyzýyn ólshep, tekseristen ótkizip jatyr", - delingen aqparatta.
Oblysta eki blok beket ornatylǵan. Biri Almaty-Shymkent tas jolynda, ekinshisi Túrkistan-Qyzylorda baǵytyna qoiylǵan.
"Almaty jáne Qyzylorda baǵytyndaǵy shekara aimaǵynda qoiylǵan "Shaqpaq", "Saýran" blok beketinde kirip-shyǵyp jatqan árbir avtokólik pen jolaýshy arnaiy tekserýden ótedi. Blok beket 24 saǵat jumys istep tur", - dedi ákimdiktegiler.
Shymkent-Almaty tasjoly boiyndaǵy "Shaqpaq" beketinde bir táýlikte 400-ge jýyq kólik tekseristen ótken.
"Saýran" beketinde tańǵy toǵyzdan túski birge deiin 200-ge jýyq kólik tekserildi", - delingen aqparatta.
Sońǵy málimet boiynsha, Qazaqstanda koronavirýs juqtyrǵandar sany 44 adamǵa jetti, Almaty qalasynda – 19 adam, Nur-Sultan qalasy boiynsha 25 adam tirkeldi.
Aita keteiik, búginnen bastap Nur-Sultan men Almaty qalalarynda koronavirýsqa bailanysty otyz kúndik karantin engizildi. 22 naýryzǵa deiin qalaǵa áýe jáne temir jol arqyly kirýge jáne shyǵýǵa bolady. Al meiram kúni saǵat 00:00-den bastap barlyq qatynas toqtatylady. Eki qalaǵa kólik te, ushaq ta, poiyz da kirmeidi.
