Túrkistan oblysynyń keden beketterinde sońǵy bir aida 64 million teńgeniń zańsyz taýary tárkilengen. Bul týraly Túrkistan oblysy boiynsha Memlekettik kirister departamentinen málim etti, – dep habarlaidy QazAqparat.
Atalǵan faktiler boiynsha «Ekonomikalyq kontrabanda» babymen birneshe qylmystyq is qozǵalǵan. Departament qyzmetkerleri kezekti tekserý kezinde «Saryaǵash» stansasynda temirjol vagonynan jeńil avtokólikterge arnalǵan 954 dana shinany anyqtaǵan. Olardyń jalpy quny - 34 mln teńgeden astam. Al taýardyń kedendik qujattary bolmai shyqqan.
Sondai-aq vedomstvo qyzmetkerleri 30 mln teńgeniń taýaryn alyp ótý áreketiniń jolyn kesken. Departament qyzmetkerleri Qytaidan kelgen vagonnan salmaǵy 12,5 tonna deklaratsiialanbaǵan halyqtyq tutyný taýaryn tapqan.
Sheteldik kásipkerler kedendik shekara arqyly qujattaryn rásimdemei, taýarlaryn zańsyz alyp ótpek bolǵan. Júkterdiń arasynda avtokólikterge arnalǵan 40 shina men 220 dana elektrondy sorǵy, 40 rezeńke kamera men tigin mashinalaryna arnalǵan 36 dana elektrondy motorlar bar.
Sondai-aq 10 975 dana jaryqtandyrǵysh qurylǵy men 47 400 dana toqyma buiymdar bolǵan.
«Barlyq derekter boiynsha jinalǵan materialdar qylmystyq is qozǵaý úshin Túrkistan oblysynyń Ekonomikalyq tergeý departamentine ótkizildi», - delingen aqparatta.
