Bul faktini QR Qarjy ministrligi Qarjy monitoringi komitetiniń Túrkistan oblysy boiynsha Ekonomikalyq tergeý departamentiniń qyzmetkerleri anyqtady, dep habarlaidy "Ult aqparat".
Atalǵan organnyń baspasóz qyzmetiniń málimetterine qaraǵanda, Túrkistan oblysynyń eki turǵyny 2017-2019 jyldary aralyǵynda «Favorit Invest Stroi», «Aziia-Tech» jáne «Tańsholpan-Nur» JShS-in úshinshi tulǵalarǵa tirkeý arqyly qylmystyq quqyq buzýshylyqty uiymdastyrǵan. Sondai-aó olar uiymǵa basshylyq ete otyryp, is júzinde jumystardy oryndamai, qyzmet túrlerin kórsetpei, taýarlardy tiep-jóneltpei jalǵan shot-faktýra jazyp berý isine júzege asyrǵan.
Aiyptalýshylar kontragent satyp alýshylardan belgili bir mólsherde syiaqy alý arqyly uiymdarǵa salynatyn salyqty jáne biýdjetke tólenetin basqa da mindetti tólemderdi tóleýden jaltarǵan. Zańsyz is-áreket nátijesinde memleket biýdjetine 7 mlrd teńgeden astam qarjy kóleminde zalal keltirildi.
«Azamattardyń qylmysy QR QK 28-babynyń 2, 3 jáne 5-b., 216-babynyń 3-b., 245-baby 3-b. sáikes saralanyp, Jetisai aýdandyq sotynyń úkimimen azamattardyń biri 5 jarym jylǵa, al ekinshisi 3 jylǵa sottaldy»,-delingen QR QM Qarjy monitoringi komiteti baspasóz qyzmetiniń habarlamasynda.
