Foto: Gov.kz.
Túrkistan óńirine investitsiia tartý, óndiris oryndaryn ashý baǵytyndaǵy jumystar jalǵasýda. Oblys ákimi Darhan Satybaldynyń tapsyrmasyna sáikes, Oblystyq kásipkerlik jáne ónerkásip basqarmasy qoldaýymen, «Turkistan Invest» JShS uiymdastyrýymen bir top kásipkerden quralǵan Túrkistan oblysynyń delegatsiiasy issaparyn Túrkiia memleketinde jalǵastyrdy, dep habarlaidy «Ult aqparat».
Issapardyń negizgi maqsaty – oblysqa investitsiia tartý, eki jaqty saýda-ekonomikalyq yntymaqtastyqty arttyrý jáne jergilikti kásipkerlermen tájiribe almasý.
Alǵashqy kúnderi Túrkiia memleketiniń Ystambul, Kodjaeli qalalarynyń biznes ókilderimen arnaiy kásiporyndarynda iskerlik kezdesýler ótti. Túrkiialyq kompaniia direktorymen memorandýmǵa qol qoiyldy. Naqtyraq aitqanda, taraptar boiaýǵa jáne gidrooqshaýlaýǵa arnalǵan jalpy ónimderdi óńirde shyǵarýǵa kelisimge keldi.
Issapar barysynda konditer, shokolad jáne jelatin ónimderin óndiretin kompaniia basshylyǵymen kezdesýler ótkizilýde. Sondai-aq transformator zaýytyna qajetti qondyrǵy jabdyqtar shyǵarý kompaniiasy ókildigimen kelissózder júrgizildi.
Túrkistandyq delegatsiianyń issapary Túrkiia Respýblikasynda iri óndiristik kásiporyndaryn aralaýmen, jańa óndiristik tehnologiialarmen tanysýmen jalǵasady. Kelissózder júrgizilip, tiimdi kelisimder jasalady dep josparlanýda.
