Foto: Gov.kz
«TURKISTAN INVESTMENT AND TOURISM FORUM – 2024» halyqaralyq investitsiialyq forýmy aiasynda Túrkistan oblysynyń ákimi Darhan Satybaldy sheteldik investorlarmen G2V formatynda kezdesý ótkizdi. Óńir basshysy aimaqtyń investitsiialyq áleýeti týraly aityp, árbir investordyń oblys ekonomikasyna tiimdi jobasy nazarǵa alynatynyn, qoldaý kórsetiletinin jetkizdi.
Jalpy jiyrmaǵa jýyq investormen kezdesý ótkizildi. Qytailyq investor jedelsaty shyǵaratyn zaýyt ashý usynysyn jetkizdi. Qazaqstandaǵy jáne kórshi elderdegi naryqty zerttep, Túrkistan oblysynda jumysyn bastaǵysy keletinin aitty. Al kelesi investor aimaqta kilem, perde jáne túsqaǵaz shyǵaratyn óndiris ornyn ashýǵa nietti. Halyqaralyq deńgeidegi básekege qabiletti ónim shyǵarýǵa qaýqarly kompaniia ókilderine tiisti qoldaý kórsetiletini aityldy.
– Biz birlesken jobalarǵa, jumys ornyn ashyp, óńirdiń óndiristik áleýetin kóteretin bastamalarǵa árqashan qoldaý kórsetemiz. Memleket basshysynyń investorlardy qoldaý, otandyq óndiristi damytý jónindegi tapsyrmasy bar. Osynda zaýyt ashyp, otandyq ónim kólemin arttyrsańyzdar memleket tarapynan jergilikti kásiporyndardyń ónimderin alýǵa basymdyq beriledi. Jobalardy júzege asyrýǵa múmkindikter qarastyrylǵan. Arnaiy ekonomikalyq aimaq, indýstrialdy aimaqtar jáne óndiristik parkter bar. Birlese jumys isteýge daiynbyz, – dedi Darhan Satybaldy.
Betpe-bet júzdesýde siyr jáne taýyq etin óndirip, eksporttaý, taýyq jemin shyǵaratyn tseh ashý, elektr qýatyn óndirý, úlken mýzykalyq sýburqaqtar, jaryq pen kóleńke shoýlary, ǵimarattardy syrtqy jaryqtandyrý jobalary usynyldy. Sondai-aq qurylys, logistika, turmystyq zattar shyǵarý jáne ózge de salalar boiynsha kelissózder júrgizildi.
Aita keteiik, Túrkistan oblysynda negizgi kaptitalǵa tartylǵan investitsiia kólemi byltyrǵy jyldyń qorytyndysy boiynsha 972 mlrd teńgeni qurap, trillionǵa jýyqtaǵan. Bul kórsetkishter aimaqta óndiristiń damyp, ónerkásiptiń damyp jatqanyn aiǵaqtaidy. Óńirde byltyr óńdeý ónerkásibinde 20 investitsiialyq joba tolyq iske qosylyp, jańa jumys oryndary ashyldy. Oblysta óndiris oryndaryn ashý, investitsiia tartý baǵytyndaǵy jumystar jalǵasady.
Túrkistan oblysynyń ákimi Darhan Satybaldy «TURKISTAN INVESTMENT AND TOURISM FORUM – 2024» halyqaralyq investitsiialyq forýmyna kelgen investorlarmen G2V formatynda kelissózder júrgizdi. Talqylanǵan jobalar boiynsha Túrkistan brendimen shyǵarylatyn taýarlardy kóbeitýge múmkindik mol.
Sheteldik investorlar Túrkistanda ótken biznes-forýmnyń álemdik arenadaǵy mańyzdy platformaǵa ainalǵanyn airyqsha atap ótti. Sondai-aq Túrkistan óńirinde jasalǵan qolaily investitsiialyq klimat úshin alǵystaryn bildirdi. Birqatar kásiporyn basshylarymen oblys ákimi osyǵan deiingi Qytai eline jasaǵan jumys saparynda kezdesken bolatyn.
Óńir basshysy Túrkistan oblysynyń investitsiialyq áleýetin jáne memleket tarapynan kórsetiletin qoldaýlaryn jetkizdi. Sondai-aq óńdeý ónerkásibine negizgi basymdyq beriletinin aitty. 50-ge jýyq azamatpen kezdesken oblys ákimi birlesken jańa jobalardy bastaýdyń joldaryn túsindirdi. Óńir halqynyń eńbekqorlyǵyn erekshe atap ótti. Jumys oryndaryn kóptep ashýdyń mańyzdylyǵyna toqaldy. Aýyl sharýashylyǵy damyǵan aimaqta óndiris salasyna qatysty jobalarǵa da mán beriletinin aitty. Qytailyq investorlarmen qurylys, tyńaitqysh óndirý, kún sáýlesinen qýat alý, himiialyq óńdeý, gaz qazandyqtaryn jasap shyǵarý, dron óndirisi, saýda ortalyqtaryn ashý, demalys aimaqtaryn damytý sekildi jobalar jan-jaqty talqylandy. Júzdesýde halyqaralyq deńgeidegi básekege qabiletti ónim shyǵarýǵa qaýqarly kompaniia ókilderine tiisti memlekettik qoldaý kórsetiletini aityldy.
– Bizdiń arnaiy shaqyrtýymyzdy qabyl alyp, elimizdegi halqy eń kóp shoǵyrlanǵan óńirge jáne tarihy tereń Túrkistan qalasyna kelgenderińizge alǵys bildiremin. Túrkistan óńirinde zaýyt, fabrikalar ashyp, jańa bastamalardy júzege asyrý úshin arnaiy ekonomikalyq aimaq, indýstrialdy aimaqtar jáne óndiristik parkter bar. Birlesken jobalalar úshin múmkindik mol. Biz birlesken jobalarǵa, jumys ornyn ashyp, óńirdiń óndiristik áleýetin kóteretin bastamalarǵa árqashan jan-jaqty qoldaý kórsetemiz, – dedi Darhan Satybaldy.
