Túrkistan oblysynyń Tóle bi aýdanyndaǵy Maibulaq aýylynda ózen sýy arnasynan asyp ketti. Nóser jaýynnyń saldarynan kóterilgen «Nur-ata» ózeniniń sýy arnasynan asyp ortalyq kóshedegi kópirdi shaiyp kete jazdaǵan, dep habarlaidy "Ult aqparat".
Aýdan ákimdiginiń málimetinshe, 5 mamyr kúni saǵat 14:30 shamasynda shamadan tys jaýǵan jańbyr saldarynan aqqan aǵashtar kópirdiń tirekterine keptelisip qalǵan. Jinalǵan sý kópirdiń betine shyǵyp, tasyǵan.
«Osy jaǵdaiǵa orai aýdan ákimi Baýyrjan Omarbekovtiń bastamasymen qurylǵan jumys toby eldimekenge baryp, ózen sýynyń deńgeiin kórip qaitty. Qaýiptiń aldyn-alý maqsatynda tótenshe jaǵdailar qyzmeti men aýyl turǵyndary jumyla birlesip, kópirdi jedel tazartty. Sonymen qatar «Nur-ata» ózeniniń boiyn tazalaýǵa arnaiy tehnikalar jumyldyryldy. Qazirgi tańda eldimekenge tóngen qaýip joq» delingen habarlamada.
