تٷركٸستان وبلىسىنىڭ تٶلە بي اۋدانىنداعى مايبۇلاق اۋىلىندا ٶزەن سۋى ارناسىنان اسىپ كەتتٸ. نٶسەر جاۋىننىڭ سالدارىنان كٶتەرٸلگەن «نۇر-اتا» ٶزەنٸنٸڭ سۋى ارناسىنان اسىپ ورتالىق كٶشەدەگٸ كٶپٸردٸ شايىپ كەتە جازداعان, دەپ حابارلايدى "ۇلت اقپارات".
اۋدان ەكٸمدٸگٸنٸڭ مەلٸمەتٸنشە, 5 مامىر كٷنٸ ساعات 14:30 شاماسىندا شامادان تىس جاۋعان جاڭبىر سالدارىنان اققان اعاشتار كٶپٸردٸڭ تٸرەكتەرٸنە كەپتەلٸسٸپ قالعان. جينالعان سۋ كٶپٸردٸڭ بەتٸنە شىعىپ, تاسىعان.
«وسى جاعدايعا وراي اۋدان ەكٸمٸ باۋىرجان وماربەكوۆتٸڭ باستاماسىمەن قۇرىلعان جۇمىس توبى ەلدٸمەكەنگە بارىپ, ٶزەن سۋىنىڭ دەڭگەيٸن كٶرٸپ قايتتى. قاۋٸپتٸڭ الدىن-الۋ ماقساتىندا تٶتەنشە جاعدايلار قىزمەتٸ مەن اۋىل تۇرعىندارى جۇمىلا بٸرلەسٸپ, كٶپٸردٸ جەدەل تازارتتى. سونىمەن قاتار «نۇر-اتا» ٶزەنٸنٸڭ بويىن تازالاۋعا ارنايى تەحنيكالار جۇمىلدىرىلدى. قازٸرگٸ تاڭدا ەلدٸمەكەنگە تٶنگەن قاۋٸپ جوق» دەلٸنگەن حابارلامادا.
