Túrkistan qalasyndaǵy «Áziret Sultan» memlekettik tarihi-mádeni qoryq-mýzeii ýaqytsha kelýshiler úshin óz jumysyn ýaqytsha toqtatady.
Bul sharalar koronavirýstyq infektsiianyń taralýyna jol bermeý sharalary aiasynda qolǵa alynyp otyr, dep habarlaidy "Ult aqparat".
Mýzeidiń baspasóz qyzmetiniń málimetinshe, aǵymdaǵy jyldyń 16 naýryzynan bastap Qoja Ahmet Iasaýi, Rábiia Sultan begim kesenesi, Saýran qalashyǵy, Úkasha ata, Álqoja ata, Gaýhar ana keseneleri men Kúltóbe qalashyǵyna kelýshiler úshin de ýaqytsha shekteý qoiylady. Ziiarat oryndarynyń naqty qashan ashylatyny ázirge belgisiz bolyp tur.
