QR Premer-Ministri Asqar Maminniń Ókimimen Túrkistan oblysy Maqtaaral aýdanyndaǵy eldi mekenderdi sý basý saldaryn joiý jónindegi Úkimettik komissiia quryldy. Bul týraly "Ult aqparat" primeminister.kz silteme jasap habarlaidy.
Premer-Ministrdiń orynbasary Roman Skliardyń tóraǵalyq etýimen komissiia quramyna ortalyq jáne jergilikti atqarýshy bilik organdarynyń basshylary kirdi.
Komissiia aldyna keltirilgen zalaldy baǵalaý jáne sý basý saldaryn joiý, injenerlik, kóliktik, áleýmettik infraqurylymdy, turǵyn úilerdi qalpyna keltirý, sondai-aq zardap shekken turǵyndarǵa áleýmettik qoldaý kórsetý mindetteri qoiyldy.
Esterińizge sala keteiik, 1 mamyrda Sardoba sý qoimasy bógetin sý shaiyp ketýine bailanysty Ózbekstannyń Syrdariia oblysyndaǵy eldimekendi sý basty.
Sonyń saldarynan Maqtaaral aýdanynda shekara mańyndaǵy birneshe kollektor sýǵa tolyp qalǵan. Maqtaaraldaǵy ortalyq kollektordan sý syrtqa jaiylyp, Jeńis, Jańa turmys aýyldaryn sý alyp ketti. Keiin taǵy da 10 aýyldy sý alǵany belgili boldy.
