Álemdi alańdatqan koronavirýstyń Túrkistan oblysy aýmaǵyna shekara arqyly enýine jol bermeý maqsatynda qatań sharalar qolǵa alyndy, dep habarlaidy "Ult aqparat" óńirlik memlekettik kirister departamentine silteme jasap.
Osyǵan orai, shekaralyq ótkizý pýnktterinde dezinfektsiia jumysy júrgiziledi. Sanitarlyq dárigerler ǵimarattardy tazartady. Bul jumystar shamamen 2 saǵatqa jalǵasady jáne osy ýaqytta ótkizý pýnktileri jabylady. Zalalsyzdandyrý jumysyn ár aptanyń sársenbi jáne beisenbi kúnderi júrgizý josparlanǵan. Bul - aimaq turǵyndary men qonaqtarynyń qaýipsizdigi úshin jasalynyp otyrǵan shara.
«Túrkistan oblysy boiynsha memlekettik kirister departamentinde 6 shekaralyq keden beketi bar, olar - «Qazyǵurt», «Jibek joly», «Qaplanbek», «Saryaǵash stansasy», «Baýyrjan Qonysbaev» jáne «Atameken». Búgingi tańda barlyq keden beketteri shtattyq rejimde jumys isteýde. Qazir keden tótenshe jaǵdaidyń jańa deńgeii jariialandy. Sanitarlyq baqylaý táýlik boiy júrgiziledi. Túrkistan oblysyna Qytaidan jáne basqa shet elderden kelgender sanitarlyq epidemiologtar men shekarashylardyń arnaiy baqylaýynan ótedi» delingen habarlamada.
Esterińizge sala keteiik, barlyq keden beketteriniń ótkizý pýnkterinde teplovizorlyq beinekameralar men qol ólsheýishteri bar infraqyzyl kameralar ornatylǵan. Olar dene temperatýrasy kóterilgen adamdy 15 metr qashyqtyqtan tabýǵa múmkindik beredi. Bul jaǵdaida júie arnaiy mamanǵa dabyl beredi.
