1 – jeltoqsan Tuńǵysh Prezident kúni qarsańynda Elbasynyń shaǵyn jáne orta kásipkerlikti qoldaýy arqasynda Keles aýdany Abai aýylynyń turǵyny Altynbaev Ómirserik Álibaiuly óz qarjysy esebinen «Qagaz» atty shaǵyn tseh ashyldy, dep habarlaidy "Ult aqparat".
Shaǵyn kásiporyn 7 adamdy turaqty jumyspen qamtyp otyr. Tsehtyń negizgi qyzmeti sharýashylyq sabyny jáne dáret qaǵazyn shyǵarýmen ainalysady. Bul jobanyń negizgi maqsaty qaldyqtardy qaita óńdeý arqyly kúndelikti qoldanatyn ónimdermen aýdandyq naryqty qamtamasyz etý bolyp tabylady. 0,13 ga jer kólemin quraityn kásiporynnyń jalpy quny 40 mln teńgeni quraidy.
Sharýashylyq sabynynyń jobalyq qýattylyǵy 1 kúnde 1000 dana sabyn shyǵarsa, jylyna 400 000 dana taýardy halyq igiligine beredi. Al dáret qaǵazynyń 1 kúndik qýattylyǵy 4000-5000 dana shamasynda bolsa, jyldyq qýattylyǵy 1,5-1,9 mln shamasynda bolady.
Negizgi taýardy tutynýshylar Keles aýdany aýmaǵy, Shymkent qalasy jáne Qyzylorda oblysyna jóneltýde. Aldaǵy ýaqytta Tájikstan, Aýǵanstan syndy elderden suranys túsýine bailanysty ónim qýattylyǵyn arttyryp shet memleketterge eksporttaýdy josparlap otyr kásiporyn iesi. Keles aýdanynyń ákim Aqmentai Esbaev atalǵan kásiporyn iesi Ómirserik Álibaiulyn qabyldap, jobalarymen tanysyp shyqty. Aldaǵy ýaqytta kásipkerlik nysanynyń damýy úshin ákimdik tarapynan barynsha qoldaý bolatynyn atap kórsetti.
