Álemde jáne elimizde oryn alǵan karantindik sharalarǵa qaramastan, jyl basynan beri óńirde 706,1 myń tonna ónim eksporttalǵan. Osylaisha sharýalar 90,5 mln AQSh dollarynyń ónimin saýdalaǵan, dep habarlaidy "Ult aqparat".
Oblys ákimi Ómirzaq Shókeevtiń aitýynsha, aýyl sharýashylyǵynda jyl basynan beri 522,7 mlrd teńgeniń ónimi óndirilip, ósim 103,5%-dy quraǵan.
«Barlyq sharýashylyqtarda mal basy kóbeiýde. Atap aitqanda, iri qara mal basy 1,1 mln bastan, qoi men eshki – 4,4 mln bastan asady. Túie 16,2%-ǵa artyp, 34,1 myń bastan asty. Et óńdeý kásiporyndarynyń júktemesi 158,4 myń tonnany qurady, sút óndirý 600,5 myń tonnadan asty. Respýblikada iri qara mal etin eksporttaý boiynsha oblys 1 orynda. Ózbekstan, Resei elderine 5343,8 tn. siyr eti, Ózbekstan, Iran, Bahrein, Resei elderine 301,1 tn. qoi eti, Ózbekstan, Resei elderine 33,8 tn. jylqy eti eksporttaldy», - dep atap ótti Ómirzaq Shókeev.
Sonymen qatar, aimaq basshysy Resei, Ýkraina, Belorýssiia elderine 133,4 myń tonna baqsha ónimderi eksporttalǵanyn jetkizdi. 1690,8 tonna balyq ónimderi Eýropa (Germaniia, Litva) jáne Resei, Ýkraina, Ózbekstan elderine 13 tonna shujyq ónimderi jáne 1876,9 tonna qus eti Reseige eksportqa shyǵarylǵan.
