Túrkistan oblysynda jyl basynan beri karantin rejimin buza otyryp, ulttyq sport túri kókpar ótkizýdiń 40 jaity anyqtalǵan, dep habarlaidy "Ult aqparat".
Atalǵan jaittardy reid barysynda anyqtaǵan politseiler, tiisti shara kórilý úshin qajetti qujattardy jinaqtap, SEBB-ǵa joldaýda.
Degenmen karantin sharalaryn elemeitin azamattardyń sany azaimai otyr.Osylaisha olar halyq densaýlyǵyn qaýipke itermeleýde.
Osyndai bir top adamdy jinap, kókpar ótkizýdiń kezekti jaity Tólebi aýdanynda anyqtaldy.
Aýdandyq politsiia bóliminiń qyzmetkerleri Abai aýyldyq okrýgine reidtik tekserý jumystaryn júrgizdi.
Nátijesinde Abai aýyly mańynda 120-ǵa jýyq adamnyń qatysýymen ótkizilip jatqan «bata kókpar» toqtatylyp, politsiia qyzmetkerlerimen túsindirý jumystary júrgizildi.
Kókparǵa jinalǵan halyq birden tarqatyldy.
Kókpardy uiymdastyrýshy Tólebi aýdanynyń turǵynyna qatysty QR ÁQBtK-niń 425-baby 1-bólimimen materialdar jinaqtalyp, ákimshilik hattama toltyrý úshin SEBB-ǵa jiberildi.
Nátijesinde quzyrly organ turǵynǵa 30 AEK kóleminde aiyppul saldy.
Óz kezeginde Túrkistan oblysynyń politseileri azamattarǵa karantin rejiminiń talaptaryn qatań saqtaýdy, buqaralyq sporttyq jáne basqa da is-sharalardy ótkizýden bas tartýǵa keńes beredi.
Karantin kezinde sanitarlyq-epidemiologiialyq normalardy saqtaý qajet. Sondai-aq, meditsinalyq betperde taǵyp, antiseptikter qoldanyp, áleýmettik araqashyqtyqty saqtaǵan jón.
