Foto: Inbusiness.kz
Túrkistan oblysynyń Shardara aýdandyq aýrýhanasy 2 600 teńge turatyn makaron ónimderin 4 800 teńgeden alýdy josparlasa, Túlkibas aýdandyq aýrýhanasy naryqtaǵy baǵasy 439 myń teńge turatyn kóshirý apparatyn 9 mln teńgege satyp almaq bolǵan. Mundai zańbuzýshylyqtardy oblystyq Sybailas jemqorlyqqa qarsy is-qimyl departamenti qyzmetkerleri anyqtaǵan, dep habarlaidy Qazaqstan.tv.
Quzyrly organ ókilderi sondai-aq, Qazyǵurt jáne Maqtaaral aýdandary ákimdikteriniń 9 qyzmettik kóligin qymbat baǵada alýdyń aldyn alǵan. Óńirde memlekettik satyp alý portalyna monitoring júrgizilip, mekemelerge baǵany qaita qaraý týraly usynystar joldanǵan. Nátijesinde jyl basynan beri 3,2 mlrd teńge biýdjet qarjysy únemdeldi.
