14 jastaǵy Rústem Janbolattyń denesi Túrkistan oblysy Shubarsý aýylyndaǵy septikten tabyldy. Bala birneshe kún buryn joǵalyp ketti.
Jasóspirim 19 jeltoqsanda tústen keiin úiden shyǵyp, qaityp oralmaǵan, dep jazady Sputnik agenttigi jergilikti Otyrar portalyna silteme jasap.
Týystary men "Lider" qozǵalysynyń eriktileri 14 jastaǵy balany izdedi. Olar barlyq áleýmettik jelilerde kómek surap, aqparat taratty. Shymkentte joǵalǵan adamdardy izdeý boiynsha "Lider" qozǵalysynyń úilestirýshisi Liýdmila Gerasimovanyń aitýynsha, balany izdeý 21 jeltoqsannyń túnine deiin jalǵasty.
"Eriktiler, Shymkent politsiiasy, balanyń týystary birge izdestirdi. Buǵan deiin bizge habarlamany kórgen qyz qońyraý shalyp, balany 112-shi kvartaldaǵy 75-shi mektepke kólikpen jetkizgenin aitty. Biz sol jerge bardyq. Biraq sol kezde bizge bala ózi turǵan Shubarsý aýylyndaǵy septikte óli tabylǵanyn habarlady", - deidi ol.
Sondai-aq, qozǵalys úilestirýshisi balanyń anasy joq ekenin, ájesi men atasy tárbielegenin aitty. Marqumnyń ákesi týraly aqparat joq.
