Foto: Túrkistan oblysy TJM
Túrkistan oblysynda boran kezinde joǵalǵan eki azamat tabyldy, - dep habarlaidy «Ult aqparat» Túrkistan oblysy TJD baspasóz qyzmetine silteme jasap.
7 aqpanda 1975 jáne 1989 jyldary týǵan eki adam Túlkibas aýdanynyń Kereiit aýylynan mal izdeýge shyǵyp, aýa-raiynyń qolaisyzdyǵynan adasyp ketken edi.
Izdestirý-qutqarý jumystaryna 48 adam, 4 tehnika, 2 dronnan quralǵan Túrkistan oblysy TJD, JAO kúshteri men quraldary jáne jergilikti turǵyndar jumyldyryldy. Izdeý jumystary aýa-raiynyń nasharlaýymen qiyndady.
Izdeý toby 1989 jyly týǵan azamatty Shinbulaq aýylynan tapty. Ókinishke qarai, 1975 jyly týǵan azamattyń denesi tabyldy.
"Qys mezgilinde qaýipsizdik erejelerin saqtap, daýyldy eskertýlerge nazar aýdaryńyz jáne aýa raiy nasharlaǵan jaǵdaida úide bolyńyz!" - delingen habarlamada.
