Foto: Gov.kz
Túrkistan oblysynyń 2024 jyldyń qańtar-tamyz aiyndaǵy áleýmettik-ekonomikalyq damýynda ósim bar. Oblysta 648,1 mlrd. teńgege ónerkásip ónimi óndirildi, naqty kólem indeksi 2023 jyldyń sáikes kezeńimen salystyrǵanda 106,6 % qurady, dep habarlaidy «Ult aqparat».
Oblys ákimdiginiń baspasóz qyzmetiniń málimetinshe, óńirde óndirilgen ónerkásip ónim kóleminiń 45% úlesin quraityn taý-ken óndirý salasynda óndirilgen ónim kólemi 291,9 mlrd. teńgege jetti. Óńdeý ónerkásibi óniminiń naqty kólem indeksi – 111,6 %, ónim kólemi 301,5 mlrd. teńgege jetip otyr. Indýstriialandyrý kartasy aiasynda óńirde ónerkásip áleýetin kóterýge múmkindik beretin 13 joba josparlanǵan. Onyń ishinde 7 joba iske qosyldy.
Biylǵy 7 aida óńirde 11 571,4 myń jolaýshy tasymaldandy, bul 2023 jylǵy maýsymmen salystyrǵanda 106,6%-dy qurady. Kólik jáne qoimalaý qyzmeti 260,4 mlrd. teńgeni qurady. Bailanys qyzmetteriniń kólemi 5,6 mlrd. teńgege jetti.
2024 jylǵy 1 tamyzdaǵy kórsetkish boiynsha Túrkistan oblysynyń jumys istep turǵan shaǵyn jáne orta kásipkerlik sýbektileriniń sany 210 myńǵa jýyqtady. Oblys ekonomikasyn damytýǵa 499,3 mlrd. teńge investitsiia baǵyttalyp, ótken jyldyń sáikes kezeńimen salystyrǵanda 128,9%-dy qurady.
2024 jylǵy qańtar - shildede qurylys jumystarynyń kólemi 198,5 mlrd. teńgeni nemese ótken jyldyń tiisti kezeńimen salystyrǵanda 119%-dy kórsetti. Paidalanýǵa berilgen turǵyn úidiń jalpy alańy – 460,9 myń sharshy metr.
Biylǵy 1 tamyzdaǵy derek boiynsha oblystyń kiris kózderi arqyly biýdjetke naqty 143,6 mlrd. teńge túsim tústi. Oryndalýy – 105,4%.
Óńirde halyq sany 2 150,8 myń adamdy qurap, 2023 jylǵy 1 maýsymmen salystyrǵanda 1,6 myń adamǵa nemese 1%-ǵa ósken.
