Túrkistan oblysynda er adam áielin burynǵy kúieýinen qyzǵanyp, atyp tastaǵan, - dep habarlaidy Tengrinews.kz agenttigi otyrar.kz portalyna silteme jasap.
Basylym málimetinshe, Túrkistan oblysynyń qylmystyq ister jónindegi mamandandyrylǵan aýdanaralyq soty azamattyq nekedegi áielin qyzǵanyshtan óltirgen 41 jastaǵy er adamǵa úkim shyǵarǵan.
Qaiǵyly oqiǵa Saýran aýdanynyń Qarajon aýylynda bolǵan. Tergeý materialdaryna sáikes, áiel 34 jasta bolǵan. Onyń azamattyq nekedegi kúieýi basyna 16 kalibrli myltyqtan oq atqan. Áiel oqiǵa ornynda qaza tapqan.
Sotta ol áieldi óltirgisi kelmegenin, tek qorqytqysy kelgenin aitqan. Alaida 2, 15 jáne 16 jastaǵy úsh bala anasyz qaldy.
Er adam 18 jylǵa eń joǵary qaýipsizdik koloniiasynda jazasyn óteidi. Úkim zańdy kúshine engen.
