Indýstriialandyrý kartasy aiasynda júzege asqan Túrkistan oblysy, Ordabasy aýdany, Badam aýyldyq okrýgindegi «Bokei» qysh zaýyty iske qosyldy. Táýligine 100 myń dana qysh shyǵaratyn óndiris alyby «Biznestiń jol kartasy» memlekettik baǵdarlamasymen jeńildetilgen 6% qarjylandyrylǵan.
«Amanat» partiiasynyń Túrkistan oblysy boiynsha sailaýaldy baǵdarlamasyn oryndaý jónindegi Jol kartasyna engizilgen. Italiia, Japoniia, Frantsiia, Resei siiaqty memleketterde jasalǵan zamanaýi qondyrǵylarmen jabdyqtalǵan zaýyt Túrkistan oblysymen qatar elimizdiń ózge de aimaqtaryn sapaly kirpishpen qamtýǵa qaýqarly. Jobanyń jalpy quny – 3 mlrd. 200 mln.teńge. Jańa óndiris ornynda 60 adam jumyspen qamtylǵan.
Respýblika kúni qarsyńynda iske qosylǵan zaýyttyń resmi ashylýyna Túrkistan oblysy ákiminiń birinshi orynbasary Arman Jetpisbai qatysty. Óndiris ornynyń áleýetiniń zor ekenin atap ótken ol innovatsiialyq jobalarǵa memleket tarapynan qashanda qoldaý kórsetiletinin jetkizdi.
«Túrkistan oblysynda júrip jatqan qurylysqa otandyq qurylys materialdaryna basymdyq beriledi. Jańa zaýyt osy baǵytta jumys isteidi. Memleket basshysy Qasym-Jomart Toqaev biylǵy Joldaýynda shaǵyn jáne orta bizneske qoldaý kórsetý máselesine erekshe toqtaldy. Kásipkerlerge jeńildetilgen nesie berý, ákimshilik kedergilerdi joiý jáne tiisti infraqurylymmen qamtamasyz etýdi tapsyrdy. Búginde oblysta atalǵan máseleler boiynsha tiisti jumystar júrgizilip jatyr», – dedi Arman Jetpisbai.
Jumys saparymen Ordabasy aýdanyna kelgen oblys ákiminiń birinshi orynbasary birqatar óndiris oryndarynyń jumysymen tanysty. Badam aýyl okrýginde ornalasqan qara metaldyń kóptegen túrinen quimalar shyǵaratyn elimizde teńdesi joq «Karlskrona LC AB» zaýytynyń ónim sapasy ekspress-zerthanalarda tekserýden ótkiziledi. Óndiris orny 2016 jyly «Údemeli indýstriialdy-innovatsiialyq damý» memlekettik baǵdarlamasy aiasynda iske qosylǵan. Jobanyń quny – 868,2 mln.teńge. 64 adam jumyspen qamtylǵan. Jylyna 3 myń tonna ónim óndirýge qaýqarly.
Al, «Qazaq-Túrik indýstriialdy aimaǵynda» ornalasqan «Green Technology industries» óndiris orny polietilen buiymdaryn qaita óńdeýmen, sintepon talshyǵyn óndirýmen ainalysady. Jylyna 15 000 tonna ónim óndirýge qaýqarly. Quryltaishylar – qytailyq investorlar (49%). Investitsiialyq quny – 6 mlrd. 800 mln.teńge. Zaýytta 250 adam jumyspen qamtylǵan. Ónim ishki naryqtan bólek Reseige eksporttalady.
Ordabasy aýdanynda búgingi tańda 40 kásiporyn jumys istep tur. Olar óńdeý ónerkásibi, taý-ken óndirý, elektr energiiasymen jabdyqtaý salalaryn qamtyǵan. Jyl basynan beri onda 21 mlrd. 189 mln. teńgeniń ónimi óndirilgen. Údemeli indýstriialdy-innovatsiialyq damý memlekettik baǵdarlamasy aiasynda investitsiialyq quny 105,1 mlrd.teńge bolatyn 6 joba iske asyrylýda jáne 1 myńnan asa jumys orny ashylady. 9 aidyń ishinde aýdanǵa 26 mlrd.teńgeden astam investitsiia tartylǵan. Ordabasy aýdanynda 12 myń 170 shaǵyn jáne orta kásipkerlik sýbektisi tirkelgen. Onda 18 myńǵa jýyq adam jumyspen qamtylǵan.
2022 jyldyń 9 aiynda investitsiialyq quny 2 mlrd.254 mln.teńgeni quraǵan jáne 82 jańa jumys ornyn ashqan 21 joba (saýda ortalyǵy, dárihana, emdeý ortalyǵy, tamaqtaný orny, mai aýystyrý beketi, jylyjai, jańbyrlatyp sýǵarý, mal bordaqylaý alańy jáne t.b.) iske asty. Shaǵyn jáne orta biznes sýbektilerimen 2022 jyldyń 1-toqsanynda 13,5 mlrd.teńgeniń ónimi óndirilgen. Jyldyq jospar – 105 mlrd.teńgeniń ónimin óndirý.
