Túrkistan qalasynyń kólik júrgizýshileri teoriialyq jáne tájiribielik emtihandy arnaiy Halyqqa qyzmet kórsetý ortalyqtarynda tapsyra alady, dep habarlaidy «Ult aqparat» oblys ákimdiginiń baspasóz qyzmetine silteme jasap.
Jańa avtodrom oblys ortalyǵyna irgeles ornalasqan Saýran aýdany, Qazaqstannyń 30 jyldyǵy aýylyndaǵy Qazybek bi kóshesi №51 (Ekobazar mańy) meken-jaiynda ornalasqan. Túrkistan oblysynyń turǵyndary jańa avtodromnyń ashylýyna orai kýálikterin óz aimaqtarynda alyp, ýaqyttary men qarjysyn únemdeidi.
Alǵashqy jumys kúnnen bastap jańa avtodrom tájiribelik emtihan tapsyratyn qyzmet alýshylardy qabyldady. Keshenniń jalpy aýdany 1 gektar. Bolashaq júrgizýshiler B, C1 jáne D1 sanattary boiynsha emtihandy tapsyra alady. Sondai-aq, búginde avtodromnyń menshiginde KIA Rio, LADA GRANTA markaly 4 avtokólik jáne IVECO, FOTON siiaqty mikroavtobýstar bar.
Endi Túrkistan oblysy boiynsha emtihan tapsyratyn eki bólimshe bar. Buǵan deiin turǵyndar emtihan tapsyrý úshin Shymkentke nemese basqa da kórshiles oblystarǵa barýǵa májbúr edi. Bul máseleni sheshý úshin qazan aiynda Saryaǵashta avtodrom ashylǵan.
Túrkistan oblysynyń arnaiy Halyqqa qyzmet kórsetý ortalyqtary ǵimaratynda avtokólik quraldaryn tirkeý, júrgizýshi kýáligin alý jáne emtihan synyby boiynsha operatsiialyq zaldar bar. Kútý zalynda «Ózine-ózi qyzmet kórsetý buryshy» qarastyrylǵan. Onda kez kelgen turǵyn elektrondyq úkimet qyzmetterin óz betinshe ala alady nemese mamandardyń kómegine júginýge múmkindik qarastyrylǵan.
