Túrkistan oblysynda jańa Saýran aýdanyn qurý týraly QR Prezidenti Qasym-Jomart Toqaevqa usynys berildi. Bul týraly halyqpen eseptik kezdesýinde óńir ákimi Ómirzaq Shókeev málim etti, dep habarlaidy "Ult aqparat".
Túrkistan oblysynyń ákimi eseptik jiynda túrkistandyqtardy jańa Saýran aýdanynyń qurylýymen quttyqtady.
«Oblys ortalyǵy Túrkistan qalasyna kóshirilgeli beri Kentaý qalasyna onyń burynǵy 12 aýyl okrýgi berilgen bolatyn. Kentaý qalasy aýmaǵyndaǵy eldi mekenderdiń damýyna qansha kóńil bólingenimen, óńirdi ary qarai tiimdi damytý baǵyttary meni kópten beri tolǵandyryp júrgen máselelerdiń biri bolatyn. Bulai deitin sebebim, qala shekarasynyń keńeiýi, turǵyndar sanynyń eki esege artýy, burynǵy Kentaý qalasy men aýyldyq okrýgterdiń qarqyndy damýy men ózekti áleýmettik máselelerin ýaqytyly, sapaly sheshýge, aýmaqty utymdy basqarýǵa birshama qiyndyqtar týyndatty. Osyǵan orai, jańa aýdan qurý jáne jańa aýdanǵa Saýran atyn berý jóninde Memleket basshysyna usynys berildi», - dedi Ómirzaq Shókeev.
Búgingi tańda, zań talaptaryna sai tiisti qujattar rásimdelýde. Qorytyndy qujattar Úkimet pen Prezidenttiń qaraýyna engiziletin bolady. Saýran aýdany 2021 jyly Naýryz meiramy qarsańynda qurylady dep josparlanýda.
