Foto: Gov.kz.
Bul týraly Ortalyq kommýnikatsiialar qyzmetiniń Túrkistandaǵy kóshpeli baspasóz máslihatynda Túrkistan oblysynyń ákimi Darhan Satybaldy baiandady, dep habarlaidy «Ult aqparat».
Biylǵy 10 aida Túrkistan oblysynyń áleýmettik-ekonomikalyq damýynyń oń ósimge qol jetkizildi. Ekonomikanyń basty kórsetkishi bolyp tabylatyn jalpy óńirlik ónim kólemi aldyn ala esep boiynsha 4 trln. teńgeden asty. Qysqa merzimdi ekonomikalyq ósim 110%-dy qurady (QR-105,3%).
– El Prezidenti Qasym-Jomart Kemeluly Qazaqstan halqyna arnaǵan «Ádiletti Qazaqstan: Zań men tártip, ekonomikalyq ósim, qoǵamdyq optimizm» atty biylǵy Joldaýynda ekonomikanyń qurylymyn ózgertýge basa nazar aýdarýdy tapsyrdy. Investitsiia tartý jumysyn kúsheitý kerektigin aitty. Túrkistan óńirinde osy baǵytta naqty jumystar atqarylyp jatyr. Nátijesinde kiris kózderi ulǵaiyp, óndiris oryndary kóbeiýde, – dedi Darhan Satybaldy.
Aimaqta ónerkásip ónim kólemi 8,8%-ǵa artyp, 960 mlrd. teńgeden asty. Onyń ishinde qaita óńdeýge barynsha basymdyq berilýde. Esepti kezeńde óńdeý ónerkásibinde 463 mlrd. teńgeniń ónimi óndirilip, ósim 113%-ǵa artty. Ósim negizinen taý-ken (105,2%), tamaq (103,5%), jeńil ónerkásip (105,9%), mashina jasaý (106,7%) jáne jihaz (1,6 ese) óndiristeri esebinen oryn aldy.
Óńirde óndiristi damytý úshin energetika tapshylyǵyn sheshý jáne indýstrialdy aimaqtarǵa qolaily jaǵdai jasaý maqsatynda, Úkimetke elektr energiia baǵasyn tómendetý boiynsha usynys engizilip, qoldaý tapqan. Sonymen birge energetika tapshylyǵyn sheshý maqsatynda 1,9 trln. teńgege jalpy qýaty 2,7 GVt bolatyn 7 iri joba júzege asyrylady. Onyń ishinde Sairamda qýaty 1000 MVt bolatyn stantsiianyń qurylysy bastalyp ketken.
