Foto: KTK
Túrkistan oblysyndaǵy Shubarsý aýylynda ornalasqan jaldamaly úilerdiń birinen áiel adam men onyń bes jáne jeti jastaǵy uldarynyń máiiti tabyldy, dep habarlaidy Ult.kz Alash.kz portalyna silteme jasap.
Qaiǵyly jaǵdaiǵa iis tiip ýlaný sebep bolǵan.
38 jastaǵy marqum jergilikti balabaqshada tárbieshi bolyp eńbek etken. Ol joldasymen ajyrasqannan keiin úsh balasymen birge turyp kelgen. Kórshileriniń aitýynsha, kelinshek úidiń murjasyn tazalatýdy josparlap júrgenimen, ony júzege asyryp úlgermegen kórinedi.
Oqys jaǵdai áiel jumysqa shyqpaǵan soń ony izdep kelgen áriptesteri úige kirgende belgili boldy. Ishinen qulyptalǵan esikti buzyp kirgen olar es-tússiz jatqan otbasy múshelerin kórgen. Eki bala men anasy sol jerde jan tásilim etse, 13 jastaǵy úlken uly aman qaldy. Jasóspirim shuǵyl túrde aýrýhanaǵa jetkizildi, qazirgi ýaqytta onyń ómirine qaýip tónip turǵan joq.
