فوتو: كتك
تٷركٸستان وبلىسىنداعى شۇبارسۋ اۋىلىندا ورنالاسقان جالدامالى ٷيلەردٸڭ بٸرٸنەن ەيەل ادام مەن ونىڭ بەس جەنە جەتٸ جاستاعى ۇلدارىنىڭ مەيٸتٸ تابىلدى, دەپ حابارلايدى Ult.kz Alash.kz پورتالىنا سٸلتەمە جاساپ.
قايعىلى جاعدايعا يٸس تيٸپ ۋلانۋ سەبەپ بولعان.
38 جاستاعى مارقۇم جەرگٸلٸكتٸ بالاباقشادا تەربيەشٸ بولىپ ەڭبەك ەتكەن. ول جولداسىمەن اجىراسقاننان كەيٸن ٷش بالاسىمەن بٸرگە تۇرىپ كەلگەن. كٶرشٸلەرٸنٸڭ ايتۋىنشا, كەلٸنشەك ٷيدٸڭ مۇرجاسىن تازالاتۋدى جوسپارلاپ جٷرگەنٸمەن, ونى جٷزەگە اسىرىپ ٷلگەرمەگەن كٶرٸنەدٸ.
وقىس جاعداي ەيەل جۇمىسقا شىقپاعان سوڭ ونى ٸزدەپ كەلگەن ەرٸپتەستەرٸ ٷيگە كٸرگەندە بەلگٸلٸ بولدى. ٸشٸنەن قۇلىپتالعان ەسٸكتٸ بۇزىپ كٸرگەن ولار ەس-تٷسسٸز جاتقان وتباسى مٷشەلەرٸن كٶرگەن. ەكٸ بالا مەن اناسى سول جەردە جان تەسٸلٸم ەتسە, 13 جاستاعى ٷلكەن ۇلى امان قالدى. جاسٶسپٸرٸم شۇعىل تٷردە اۋرۋحاناعا جەتكٸزٸلدٸ, قازٸرگٸ ۋاقىتتا ونىڭ ٶمٸرٸنە قاۋٸپ تٶنٸپ تۇرعان جوق.
