Foto: Polisia.kz
Túrkistan oblysynda politsiia jer qoinaýyn zańsyz óndirýmen ainalysqan adamdar tobyn ustady, dep habarlaidy «Ult aqparat» Polisia.kz-ke silteme jasap.
Túrkistan oblysynda politseiler Shardara men Jetisai aýdanynda júrgizilgen jedel-izdestirý is-sharasy barysynda, jer qoinaýyn zańsyz óndirýmen, atys qarýyn saqtaýmen jáne jeńgetailyqpen ainalysqan adamdar tobyn anyqtady.
«Uiymdasqan qylmysqa qarsy kúres basqarmasynyń jedel ýákilderi men jyldam qimyldaityn arnaiy jasaq qyzmetkerleri birlesip, kúdikti 9 adamdy, onyń ishinde qylmystyq toptyń uiymdastyrýshysy, buryn sottalǵan jergilikti turǵyndy ustady. Jedel ýákilder tintý barysynda, olardan 1 júk tiegish kólik, 7 júk kóligin, 2 ańshylyq myltyq, patrondar jáne basqa da zattai dáleldemelerdi tárkiledi. Budan basqa politseiler Shardara qalasyndaǵy is-sharalar barysynda, jezókshelikpen ainalysý úshin priton uiymdastyrý faktisin anyqtady. Jedel ýákilder pritonnyń 2 ákimshisin, Qazaqstannyń 4 azamatyn ustady. Sondai-aq aqshalai qarajat pen ózge de zattai dáleldemeler tárkilendi. Qazirgi ýaqytta atalǵan faktiler boiynsha qylmystyq ister qozǵaldy. Kúdiktiler qamaýǵa alyndy», — delingen habarlamada.
Tergeý júrgizilip, oqiǵanyń tolyq mán-jaiy anyqtalyp jatyr.
