Túrkistan oblysynda úilenip jatqan jigit pen onyń dostary jaýapqa tartyldy, dep habarlaidy "Ult aqparat" Polisia.kz Telegram-arnasyna silteme jasap.
IIM baspasóz qyzmeti málimetinshe, áleýmettik jelige monitoring júrgizý kezinde politseilerdiń nazaryna toi saltanatyn uiymdastyrǵan jastar ilikken.
Videoda jas jigitter shekten shyǵyp, aspanǵa qarýmen oq atqany, sondai-aq kortejdegi júrgizýshiler jol erejesin buzyp, avariialyq jaǵdai týǵyzǵany kórinedi.
Oqiǵa Sairam aýdanynda bolǵan.
"Beinejazbadaǵy oq atqan 19 jastaǵy turǵynnan túsinikteme alyndy. Onyń qolyndaǵy tapansha signaldyq bolyp shyqty.
Jas jigitke QR ÁQBtK-niń 485-baby 1-bóligimen hattama toltyryldy.
Sonymen qatar jol erejesin buzǵan Toyota Camry avtokóliginiń júrgizýshisine QR ÁQBtK-niń 606-baby 1-bóligimen hattama toltyryldy. Al Hyunday Santa Fe kóligine QR ÁQBtK-niń 606-baby 1-bóligi, 603-baby 1-bóligi, 590-baby 2-bóligimen shara qoldanyldy. Oǵan qosa Mercedes Benz júrgizýshisi QR ÁQBtK-niń 606-baby 1-bóligi boiynsha jaýapqa tartyldy" - delingen habarlamada.
