Túrkistan oblysynyń Kentaý qalasynda mektep túlekteri uiymdastyrǵan kortej áleýmettik jelide taralyp, politsiianyń nazaryna ilikti, dep habarlaidy ult.kz.
Tekserý barysynda BMW, Toyota, Mercedes-Benz, Changan, Chevrolet jáne Hyundai kólikteriniń júrgizýshileri jol qozǵalysy erejelerin buzǵany anyqtaldy. Atap aitqanda, jolaýshylardy tasymaldaý talaptaryn saqtamaý, qaýipsizdik beldigin taqpaý jáne manevr jasaý erejelerin buzý faktileri tirkelgen.
Júrgizýshilerge qatysty ákimshilik sharalar qoldanylyp, kólikter arnaiy aiyp turaǵyna qoiyldy.
Sondai-aq politsiia qyzmetkerleri túlekter men olardyń ata-analaryna profilaktikalyq túsindirý jumystaryn júrgizip, jol qozǵalysy erejelerin, qoǵamdyq tártipti jáne zań talaptaryn saqtaý qajettigin eskertti.
Politsiia azamattardy qoǵamdyq qaýipsizdikke jaýapkershilikpen qarap, jol qozǵalysy erejelerin qatań saqtaýǵa shaqyrdy.
