Foto: polisia.kz
Túrkistan oblysynda toi kortejine uiymdastyrǵan júrgizýshiler jaýapqa tartyldy, — dep habarlaidy Ult.kz Polisia.kz-ke silteme jasap.
Áleýmettik jelilerge monitoring júrgizý barysynda politsiia Túrkistan oblysyndaǵy birneshe avtokólik júrgizýshileriniń jol qozǵalysy erejelerin óreskel buzǵany týraly beinejazbany anyqtady.
Tekserý kezinde anyqtalǵany, oqiǵa Saýran aýdanynda qyz uzatý toiy kezinde bolǵan. Mercedes-benz, Toyotar jáne Nexia 5 avtokóliktiń júrgizýshileri anyqtaldy. Kórsetilgen kólik quraldary aiypturaǵyna qoiyldy.
Quqyq buzýshylar avariialyq jaǵdai jasaǵany, jolaýshylardy tasymaldaý jónindegi talaptardy saqtamaǵany, kólikti memlekettik tirkeý nómirlerinsiz basqarǵany, manevr jasaý erejelerin buzǵany, sondai-aq kólik quraldaryna zaqym keltirgeni úshin jaýapkershilikke tartyldy.
Politsiia zań barshaǵa ortaq ekenin eskertedi jáne júrgizýshiler men basqa jol qozǵalysyna qatysýshylardy jol erejelerin qatań saqtaýǵa shaqyrady. Esińizde bolsyn, jol qatelikti keshirmeidi.
