Túrkistan oblysynda koronavirýs infektsiiasyna taǵy bir adam shaldyqty. Naýqas Ordabasy aýdanynda tirkeldi, dep habarlaidy "Ult aqparat".
Buǵan deiin habarlaǵanymyzdai, 8 sáýir saǵat 21.15-tegi resmi málimet boiynsha, Qazaqstanda koronavirýsty juqtyrýdyń jańadan 9 oqiǵasy anyqtaldy. Onyń ishinde 1 jaǵdai Túrkistan oblysynda tirkeldi.
«Naýqas buǵan deiin virýs juqtyrǵan adammen tyǵyz qarym-qatynasta bolýyna bailanysty karantindik statsionarǵa jatqyzylǵan bolatyn. QR Bas memlekettik sanitariialyq dárigeriniń qaýlysyna sáikes odan zerthanalyq synamalar alyndy. Diagnoz naqtylanyp, aýdandyq juqpaly aýrýlar bólimine aýystyryldy. Qazirgi tańda naýqastyń jaǵdaiy qanaǵattanarlyq. Bekitilgen hattamaǵa sáikes tiisti em júrgizilýde. Búginde naýqaspen qarym-qatynasta bolǵan adamdar anyqtalyp, barlyǵy meditsinalyq baqylaýǵa alynýda. Aýrý oshaqtarynda epidemiologiialyq tekserý, dezinfektsiialyq jumystar júrgizilip jatyr», - delingen Memlekettik komissiianyń shuǵyl shtaby usynǵan málimette.
Búginge deiin Túrkistan oblysynda COVID-19 koronavirýs infektsiiasyn juqtyrǵan jalpy 34 adam anyqtaldy:
Jetisaida – 14,
Ordabasyda – 2,
Sairamda – 2,
Maqtaaralda – 4,
Saryaǵashta – 1,
Kentaýda – 5,
Arysta – 6 adam.
