Foto: Qaraǵandy oblysynyń prokýratýrasy
Túrkistan oblysynda prokýrorlar taýly aimaqtarda ornalasqan 270 jer ýchaskesi elitalyq saiajai qurylysyna zańsyz berilgenin anyqtady, dep habarlaidy "Ult aqparat" Bas prokýratýranyń baspasóz qyzmetine silteme jasap.
Sonymen qatar atalǵan óńirde azamattarǵa jalǵan qujattar usyný arqyly 26 jer ýchaskesi rásimdelgen jáne 28 jer ýchaskesiniń ornyn zańsyz ózgertý faktileri oryn alǵan.
Jergilikti atqarýshy organdar Túrkistan qalasy, Saryaǵash, Sairam, Tólebi jáne Túlkibas aýdandaryndaǵy 200 aýyl sharýashylyq jerleriniń nysanaly maqsattaryn negizsiz turǵyn úi qurylysy jáne demalys aimaqtaryna ózgertken.
"Osy derekter negizinde jergilikti atqarýshy organdardyń qyzmetkerlerine qatysty bilikti nemese laýazymdyq ókilettikterdi asyra paidalaný jáne alaiaqtyq faktileri boiynsha 8 qylmystyq is qozǵaldy.
Budan bólek prokýrorlardyń usynysy negizinde memlekettik organdar 400-den astam jerdi memleket menshigine qaitarý protsesin bastady" - delingen habarlamada.
