Foto: Polisia.kz
Túrkistan oblysynyń politseileri bopsalaý qylmysyna qatysy bar azamatty “izin sýytpai” ustady, – dep habarlaidy "Ult aqparat" Polisia.kz media-portalyna silteme jasap.
"Túrkistan oblysy politsiia departamentiniń uiymdasqan qylmysqa qarsy kúres basqarmasynyń qyzmetkerleri Shymkent – Samara tas joly boiynda qomaqty qarjy bopsalap, avtokólikti zańsyz iemdengen kúdiktini ustady.
Kúdikti – buǵan deiin tonaý men zańsyz qarý saqtaǵany úshin sottalǵan Túrkistan qalasynyń 28 jastaǵy turǵyny. Ol qurylys jumystarymen ainalysatyn tanysynan 1 million teńge kóleminde aqsha bopsalap, onyń BMW avtokóligin zańsyz iemdengeni anyqtaldy.
Qazirgi ýaqytta politseiler QR QK-niń 194-baby (Qorqytyp alý) faktisi boiynsha sotqa deiingi tergeý amaldaryn júrgizip jatyr. Kúdikti qamaýǵa alyndy" - delingen habarlamada.
Oqiǵanyń tolyq mán-jaiy, sondai-aq er adamnyń osyǵan uqsas basqa da qylmysqa qatysy bar-joǵy anyqtalady.
