فوتو: Polisia.kz
تٷركٸستان وبلىسىنىڭ پوليتسەيلەرٸ بوپسالاۋ قىلمىسىنا قاتىسى بار ازاماتتى “ٸزٸن سۋىتپاي” ۇستادى, – دەپ حابارلايدى "ۇلت اقپارات" Polisia.kz مەديا-پورتالىنا سٸلتەمە جاساپ.
"تٷركٸستان وبلىسى پوليتسييا دەپارتامەنتٸنٸڭ ۇيىمداسقان قىلمىسقا قارسى كٷرەس باسقارماسىنىڭ قىزمەتكەرلەرٸ شىمكەنت – سامارا تاس جولى بويىندا قوماقتى قارجى بوپسالاپ, اۆتوكٶلٸكتٸ زاڭسىز يەمدەنگەن كٷدٸكتٸنٸ ۇستادى.
كٷدٸكتٸ – بۇعان دەيٸن توناۋ مەن زاڭسىز قارۋ ساقتاعانى ٷشٸن سوتتالعان تٷركٸستان قالاسىنىڭ 28 جاستاعى تۇرعىنى. ول قۇرىلىس جۇمىستارىمەن اينالىساتىن تانىسىنان 1 ميلليون تەڭگە كٶلەمٸندە اقشا بوپسالاپ, ونىڭ BMW اۆتوكٶلٸگٸن زاڭسىز يەمدەنگەنٸ انىقتالدى.
قازٸرگٸ ۋاقىتتا پوليتسەيلەر قر قك-نٸڭ 194-بابى (قورقىتىپ الۋ) فاكتٸسٸ بويىنشا سوتقا دەيٸنگٸ تەرگەۋ امالدارىن جٷرگٸزٸپ جاتىر. كٷدٸكتٸ قاماۋعا الىندى" - دەلٸنگەن حابارلامادا.
وقيعانىڭ تولىق مەن-جايى, سونداي-اق ەر ادامنىڭ وسىعان ۇقساس باسقا دا قىلمىسقا قاتىسى بار-جوعى انىقتالادى.
