قازاقستاندا ينتەرنەت-الاياقتىق 21%-عا ازايعانىمەن, قىلمىستىق سحەمالارعا قاتىسۋشىلار ەلٸ دە انىقتالىپ جاتىر. جىل باسىنان بەرٸ 150-دەن استام «اكتيۆاتور» ۇستالىپ, ولاردان 22 مىڭنان استام SIM-كارتا تەركٸلەنگەن, دەپ حابارلايدى ult.kz.
قر ٸٸم كيبەرقىلمىسقا قارسى ٸس-قيمىل دەپارتامەنتٸنٸڭ باستىعى جاندوس سٷيٸنبايدىڭ مەلٸمەتٸنشە, ينتەرنەت-الاياقتىق دەرەكتەرٸ 19 مىڭنان 15 مىڭعا دەيٸن تٶمەندەگەن. سونىمەن قاتار جىل باسىنان بەرٸ 90 ميلليوننان استام الاياقتىق قوڭىراۋ بۇعاتتالعان.
«اكتيۆاتورلار» مەسسەندجەر اككاۋنتتارىن ٶز اتىنا تٸركەپ, الاياقتارعا بەرەدٸ. ال دروپتار بانك كارتالارى مەن شوتتارىن قىلمىستىق جولمەن الىنعان اقشانى قولما-قول اقشاعا اينالدىرۋ ٷشٸن پايدالانادى.
قىركٷيەكتە تٷركٸستان وبلىسىندا وسىنداي سحەمالاردىڭ بٸرٸنە قاتىسى بار توپتىڭ ەرەكەتٸ توقتاتىلدى. توپ ٶزبەكستاننىڭ 27 ازاماتىن تارتىپ, ولاردىڭ اتىنا بانك شوتتارىن اشقان.
