Qazaqstanda internet-alaiaqtyq 21%-ǵa azaiǵanymen, qylmystyq shemalarǵa qatysýshylar áli de anyqtalyp jatyr. Jyl basynan beri 150-den astam «aktivator» ustalyp, olardan 22 myńnan astam SIM-karta tárkilengen, dep habarlaidy ult.kz.
QR IIM Kiberqylmysqa qarsy is-qimyl departamentiniń bastyǵy Jandos Súiinbaidyń málimetinshe, internet-alaiaqtyq derekteri 19 myńnan 15 myńǵa deiin tómendegen. Sonymen qatar jyl basynan beri 90 millionnan astam alaiaqtyq qońyraý buǵattalǵan.
«Aktivatorlar» messendjer akkaýnttaryn óz atyna tirkep, alaiaqtarǵa beredi. Al droptar bank kartalary men shottaryn qylmystyq jolmen alynǵan aqshany qolma-qol aqshaǵa ainaldyrý úshin paidalanady.
Qyrkúiekte Túrkistan oblysynda osyndai shemalardyń birine qatysy bar toptyń áreketi toqtatyldy. Top Ózbekstannyń 27 azamatyn tartyp, olardyń atyna bank shottaryn ashqan.
