Túrkistan oblysynda jylyna 2 mln tonna munai óńdeitin zaýyt salynady. Jalpy quny 95 mlrd teńge bolatyn investitsiialyq joba aiasynda myńǵa tarta jumys orny ashylmaq, dep habarlaidy "Ult aqparat".
«Turkistan Invest» investitsiialyq kompaniiasy baspasóz qyzmetiniń málimetinshe, jańa zaýyttyń qurylysy Ordabasy aýdanynda júrgizilmek. Ony salýǵa qazaqstandyq «Standard Petroleum & Co LLP» kompaniiasy qarajat jumsaidy. Búgingi kúni 250 gektar aýmaqta ornalastyrý jumystary júrgizilip, qorshaýlar qoiylyp jatyr. Sondai-aq, elektr jelileri tartylyp, jol salynýda.
«Túrkistan» ƏKK» AQ filialy - «Turkistan Invest» investitsiialyq kompaniiasynyń qoldaýymen júzege asyrylatyn joba 2021 jyly iske qosylady dep kútilýde. Daiyn ónim el aýmaǵynda satylyp, qosymsha TMD elderine eksporttalatyn bolady.
