Foto: Túrkistan oblysynyń Óńirlik kommýnikatsiialar qyzmeti
Túrkistan oblysynda suiytylǵan munai gaz taratýshy 40 kásipkerlik sýbektisi tirkelgen. Jalpy óńirdegi avtogaz quiý stantsiialarynyń sany – 301. Al gazben júretin kólikter sany – 56 352. Oblysta suiytylǵan munai gazymen júretin avtokólikter sany kúndelikti artýyna jáne oblys aýmaǵynan sheteldik kólikterdiń kóp ótýine bailanysty avtogazǵa degen qajettiligi artqan, dep habarlaidy «Ult aqparat».
Bul jaiynda Túrkistan oblystyq energetika jáne turǵyn úi-kommýnaldyq sharýashylyq basqarmasynyń basshysy Rýslan Muzdybekov brifingte málimdedi.
«Jalpy oblysta suiytylǵan munai gazdyń ai saiynǵy qajettiligi – 15 000 tonna, al táýliktik tutyný kólemi – 450-500 tonnany quraidy. Alaida, 2024 jyldyń basynan osy ýaqytqa deiin qajetti kólem QR Energetika ministrligi tarapynan bólinbedi. 2024 jyldyń III toqsanyna QR Energetika ministrligi 3 aiǵa 33 012 tonna suiytylǵan munai gaz kólemin bóldi. 2024 jyldyń shilde aiyna qosymsha kólemmen birge 13 248 tonna jetkizildi. Qalǵan 10 980 tonna (306 vagon) kezeń-kezeńimen kelmek. Qazirgi tańda oblysta gaz taratýdy zańsyz shekteý boiynsha aýdan-qala ákimdikterinen qurylǵan jumysshy top avtogaz beketterin tekserý jumystaryn kúndelikti júrgizýde. Oǵan qosa, oblysqa bólingen suiytylǵan munai gazynyń kólemin basqa oblysqa shyǵarmaý máselesi boiynsha ishki ister departamenti politsiiasymen birlesken jumystar júrgizilip jatyr», - dedi Rýslan Orynbekuly.
QR Energetika ministriniń 2024 jylǵy 26 maýsymdaǵy №233 buiryǵyna sáikes, oblysta suiytylǵan munai gazynyń baǵasy – 1 litr úshin 70-75 teńge bolyp bekitilgen. Qazirgi tańda oblystaǵy avtogaz quiý beketterinde gaz tapshylyǵyn boldyrmaý -oblystyq ákimdiktiń kúndelikti baqylaýynda.
