Túrkistan oblysynda 9 myńnan astam oqýshy men júkti jáne laktatsiia kezeńindegi áielderge «Pfizer» vaktsinasy salynǵan. Bul týraly oblystyń bas dárigeri Marat Pashimov málimdedi, dep habarlaidy QazAqparat.
Marat Orynbasarulynyń sózinshe, dárigerler jasóspirimderdi meditsinalyq tekserýden ótkizýde. Sodan keiin qarsy kórsetilimderi bolmaǵan jaǵdaida ekpe egýde.
«Qazirgi ýaqytta oblys boiynsha «Pfizer» vaktsinasyn qabyldaǵandar sany –9098 adamdy quraidy. Onyń ishinde 7005-i jasóspirimder bolsa, 1424 júkti jáne laktatsiia kezindegi 669 áielder. Mekemelerde profilaktikalyq jumystardy júrgizý úshin barlyq jaǵdai jasalǵan. Ekpe egetin meditsina mamandary arnaiy oqytýdan ótken«,-dedi oblystyq Qoǵamdyq densaýlyq basqarmasynyń basshysy.
Aita keteiik, Túrkistan oblysyna «Pfizer» vaktsinasynyń 17550 dana mólsherindegi ekinshi partiiasy jetkizilgen bolatyn.
