Tólebi aýdanyndaǵy Lenger ózeniniń sý deńgeii kóterilip, eki turǵyn úidi sý basyp qaldy, - dep habarlaidy oblystyq TJK.
«Túrkistan oblysyna qarasty Tólebi aýdanynyń Leńgir aýylynda jaýyn-shashynnyń mol túsýine bailanysty Lenger ózeninde sý deńgeii kóterilgen, arnasynan shyqqan. Sonyń saldarynan eki jekemenshik turǵyn úi men 25 aýlany sý basyp qaldy», - delingen habarlamada.
Sondai-aq, orta qysymdaǵy eki gaz qubyry búlindi, sonyń saldarynan jekemenshik sektorynda 83 abonent gazsyz qaldy.
«TJD, jergilikti atqarýshy organdar, «Qazselqorǵaý» MM kúshimen sý basqa jaqqa buryldy. Sondai-aq uzaqtyǵy 57 metr jaǵany nyǵaitý jumystary júrgizilip, 350 tekshe metr sý sorǵylandy. Apattyq-qutqarý jumystaryna TJ departamenti, Qazselqorǵaý jáne jergilikti atqarýshy organdardyń 126 qyzmetkeri, 31 tehnika birligi jáne 14 motosorǵy jumyldyrylǵan», - dedi komitetten.
