تٶلەبي اۋدانىنداعى لەنگەر ٶزەنٸنٸڭ سۋ دەڭگەيٸ كٶتەرٸلٸپ, ەكٸ تۇرعىن ٷيدٸ سۋ باسىپ قالدى, - دەپ حابارلايدى وبلىستىق تجك.
«تٷركٸستان وبلىسىنا قاراستى تٶلەبي اۋدانىنىڭ لەڭگٸر اۋىلىندا جاۋىن-شاشىننىڭ مول تٷسۋٸنە بايلانىستى لەنگەر ٶزەنٸندە سۋ دەڭگەيٸ كٶتەرٸلگەن, ارناسىنان شىققان. سونىڭ سالدارىنان ەكٸ جەكەمەنشٸك تۇرعىن ٷي مەن 25 اۋلانى سۋ باسىپ قالدى», - دەلٸنگەن حابارلامادا.
سونداي-اق, ورتا قىسىمداعى ەكٸ گاز قۇبىرى بٷلٸندٸ, سونىڭ سالدارىنان جەكەمەنشٸك سەكتورىندا 83 ابونەنت گازسىز قالدى.
«تجد, جەرگٸلٸكتٸ اتقارۋشى ورگاندار, «قازسەلقورعاۋ» مم كٷشٸمەن سۋ باسقا جاققا بۇرىلدى. سونداي-اق ۇزاقتىعى 57 مەتر جاعانى نىعايتۋ جۇمىستارى جٷرگٸزٸلٸپ, 350 تەكشە مەتر سۋ سورعىلاندى. اپاتتىق-قۇتقارۋ جۇمىستارىنا تج دەپارتامەنتٸ, قازسەلقورعاۋ جەنە جەرگٸلٸكتٸ اتقارۋشى ورگانداردىڭ 126 قىزمەتكەرٸ, 31 تەحنيكا بٸرلٸگٸ جەنە 14 موتوسورعى جۇمىلدىرىلعان», - دەدٸ كوميتەتتەن.
