Foto: Keles Aýdandyq Politsiia Bólimi/facebook
Politsiia qyzmetkerleri Túrkistan oblysyndaǵy jasóspirimderdiń tóbelesine qatysty tergeýdi bastady, - dep habarlaidy "Ult aqparat".
Aita keteiik, áleýmettik jelilerde mektep oqýshysynyń aiaýsyz soqqyǵa jyǵylǵany túsirilgen video paida boldy.
21 qyrkúiekte Keles aýdandyq politsiia bólimine jergilikti turǵyn habarlasyp, 11 synyp oqýshylary arasynda kelispeýshilik bolǵany jaily aryzdanǵan.
"Oqiǵa ornyna birden Túrkistan oblysy PD men aýdandyq politsiia bóliminiń basshylyǵy bardy.
Anyqtalǵandai, Keles aýdanyndaǵy mekteptiń joǵary synyptaǵy eki oqýshysy ózara sózge kelip, kelispeýshilik týyndaǵan. Olardyń biri kórshi mekteptegi joǵary synyp oqýshysyn shaqyrǵan. Kelgen oqýshy jábirlenýshini soqqyǵa jyqqan.
Sonyń saldarynan jaraqat alǵan 11 synyp oqýshysy aýrýhanaǵa tústi. Qazir ol emdelip jatyr" - delingen aýdandyq PB habarlamasynda.
Oqiǵaǵa qatysty sot-saraptamalary taǵaiyndalǵan.
Atalǵan derek QR Qylmystyq kodeksiniń 293-baby 2-bóligi (Buzaqylyq) boiynsha tirkelip, sotqa deiingi tergeý júrgizilip jatyr.
"Buǵan deiin Túrkistan oblysy PD bastyǵynyń tapsyrmasymen oblysqa qarasty 17 aýdanda politsiia, ákimdik pen mektep ujymy jinalyp, jasóspirimder arasyndaǵy quqyq buzýshylyqty boldyrmaý maqsatynda birqatar is-shara uiymdastyryldy. Ata-analardyń qatysýymen arnaiy jinalystar ótkizildi" - deidi PB baspasóz qyzmeti ókilderi.
