Túrkistan oblysynda mektep qazandyǵy jarylyp, bir adam qaitys boldy, dep habarlaidy QazAqparat tilshisi.
Oqiǵa búgin tańǵy saǵat 08:24 shamasynda Sairam aýdany, Qainar Bulaq aýyly, Oshaqty eldimekeninde bolǵan.
T.Rysqulov kóshesinde ornalasqan shaǵyn jinaqty orta mektep aýmaǵyndaǵy qatty otyn qoldanylatyn qazandyq jarylǵan. Oqiǵa ornynda 1963 jyly týǵan ot jaǵýshy kóz jumdy. Al, ǵimarattyń 20 sharshy metr shatyry men qabyrǵalaryna zaqym kelgen.
«Tótenshe jaǵdai departamentiniń 7 qyzmetkeri men 2 tehnikasy jáne politsiia departamentiniń 8 qyzmetkeri men 2 tehnikasy oqiǵa ornyna jumyldyryly. Jarylystyń saldary men materialdyq shyǵyn anyqtalýda» - deidi Sairam aýdanynyń Tótenshe jaǵdailar basqarmasynyń bastyǵy azamattyq qorǵaý polkovnigi Muhan Baimbetov.
