Foto: Gov.kz.
Ortalyq kommýnikatsiialar qyzmetinde oblystyń áleýmettik-ekonomikalyq damýy týraly esep berý barysynda Túrkistan oblysynyń ákimi Darhan Satybaldy málimdedi, dep habarlaidy ult.kz.
– Túrkistan oblysy respýblikada maqta ósiretin jalǵyz aimaq. Biyl 106 myń gektarǵa maqta egildi. Degenmen, dástúrli ádisti qoldanǵandyqtan onyń ónimdiligi de tómen bolyp otyr. Endi zamanaýi sýdy únemdeý tehnologiialaryn qoldana otyryp, maqtanyń elitalyq sorttaryn ósirýdi jáne shikizatty tereń óńdeýdi qamtityn maqta-toqyma klasterin qurý qolǵa alyndy. Iaǵni, maqta ósirýden bastap jip, mata jáne kiim siiaqty daiyn toqyma ónimderin óndirýge deiin qamtylady. Túrkistan qalasynda maqtany tereń óńdeitin iri zaýyttyń qurylysy bastaldy. Joba quny - 147 mlrd. teńge. Zaýytta 4 000-nan astam jumys orny ashylady, – dedi Darhan Satybaldy.
Óńirde maqta klasterinde 9 jobany iske asyrý josparlanyp otyr. Tolyq iske qosylǵanda 40 myńnan astam jumys orny qurylyp, 50 myń tonnaǵa jýyq daiyn ónim óndiriledi. Biýdjetke milliardtaǵan salyq túsedi. Maqta ónimdiligi 3 esege deiin artyp ónimdilik kórsetkishi gektaryna 70 tsentnerge jetedi dep mejelenedi.
