Sýret: pixabay
Túrkistan oblysynda kámeletke tolmaǵan qyzdarǵa qatysty zańsyz áreket jasady degen kúdikti balabaqshada jumys istegen.
"Ol jekemenshik balabaqshada kúzetshi bolyp jumys istegen. Oqiǵadan keiin hattama toltyrylyp, birden jumystan shyǵaryldy", - dep habarlady Túrkistan oblysy bilim basqarmasynyń baspasóz qyzmeti.
Vedomstvo málimetinshe, kámeletke tolmaǵan balalardy zorlaý isi oblystyq bilim basqarmasynyń baqylaýynda.
"Qyzdyń anasy aýdandyq politsiia bólimine habarlasqan. Bilim berý salasynyń ókilderi jáne psihologiialyq mamandarmen tikelei jumys júrgizilip jatyr. Oqiǵa jazǵy demalys kezinde bolǵan. Qazir tiisti saraptamalar júrgizilip jatyr. Búgin oblystyq bala quqyqtary jónindegi ýákil oqýshylar men ata-analarǵa psihologiialyq-quqyqtyq qoldaý kórsetý boiynsha is-sharalar júrgizdi.
Osy fakt boiynsha Otyrar PB Qylmystyq kodekstiń 120-baby 4-bóligi boiynsha sotaldy tergeý amaldaryn bastady", - dedi Túrkistan oblysy bilim basqarmasynyń baspasóz qyzmeti ókilderi.
Eske salaiyq, Otyrar aýdanyndaǵy jantúrshigerlik oqiǵa beisenbide belgili boldy. Balalardy zorlady degen kúdikpen 33 jastaǵy er adam ustaldy. Politsiia tergeý qupiiasyn alǵa tartyp, onyń jeke málimetterin jariia etpedi.
