Túrkistan oblysynyń politseileri týysynyń úiine qydyryp kelip, joǵalyp ketken er adamdy tapty, dep habarlaidy "Ult aqparat" Túrkistan oblystyq Politsiia departamentine silteme jasap.
Jetisai aýdandyq politsiia bólimine Shymkent qalasynan tórkindep qydyryp kelgen áiel aryzdandy. Onyń aitýynsha, kúieýi keshki saǵat 19:30-dar shamasynda syrtqa shyǵyp keletinin aityp, sodan iz-túzsiz joǵalǵan. Joǵalǵan azamatty aldymen jaqyndary ózder izdep, taba almaǵan soń politsiiaǵa habarlasqan. Atalǵan jaitty jetisailyq politseiler birden tirkeýge alyp, joǵalǵan er adamdy izdestire bastaidy.
Izdestirý jumystaryna jedel-tergeý toby men sol aýmaqqa jaýapty ýchaskelik politsiia inspektory birden kiristi. Politsiia kapitany Sábit Tataev pen Bekjan Karimov aýyldy kóshe-kóshemen aralap tekserip, surastyrý jumystaryn júrgizdi. Nátijesinde túngi saǵat 02:00-ler shamasynda er adam tabyldy.
Tergeý barysynda politseiler, qaiyn jurtyna qydyryp kelgen er adam kózi nashar kóretinine bailanysty týysynyń úiin taba almai, aýyldy aralap júrgen. Ol uialy telefonynyń qýaty taýsylyp, jaqyndaryna habarlasa almaǵan.
Óz kezeginde aryzdanýshy áiel men qaiyn jurty politseilerge alǵys aitty.
