تٷركٸستان وبلىسىنىڭ پوليتسەيلەرٸ تۋىسىنىڭ ٷيٸنە قىدىرىپ كەلٸپ, جوعالىپ كەتكەن ەر ادامدى تاپتى, دەپ حابارلايدى "ۇلت اقپارات" تٷركٸستان وبلىستىق پوليتسييا دەپارتامەنتٸنە سٸلتەمە جاساپ.
جەتٸساي اۋداندىق پوليتسييا بٶلٸمٸنە شىمكەنت قالاسىنان تٶركٸندەپ قىدىرىپ كەلگەن ەيەل ارىزداندى. ونىڭ ايتۋىنشا, كٷيەۋٸ كەشكٸ ساعات 19:30-دار شاماسىندا سىرتقا شىعىپ كەلەتٸنٸن ايتىپ, سودان ٸز-تٷزسٸز جوعالعان. جوعالعان ازاماتتى الدىمەن جاقىندارى ٶزدەر ٸزدەپ, تابا الماعان سوڭ پوليتسيياعا حابارلاسقان. اتالعان جايتتى جەتٸسايلىق پوليتسەيلەر بٸردەن تٸركەۋگە الىپ, جوعالعان ەر ادامدى ٸزدەستٸرە باستايدى.
ٸزدەستٸرۋ جۇمىستارىنا جەدەل-تەرگەۋ توبى مەن سول اۋماققا جاۋاپتى ۋچاسكەلٸك پوليتسييا ينسپەكتورى بٸردەن كٸرٸستٸ. پوليتسييا كاپيتانى سەبيت تاتاەۆ پەن بەكجان كاريموۆ اۋىلدى كٶشە-كٶشەمەن ارالاپ تەكسەرٸپ, سۇراستىرۋ جۇمىستارىن جٷرگٸزدٸ. نەتيجەسٸندە تٷنگٸ ساعات 02:00-لەر شاماسىندا ەر ادام تابىلدى.
تەرگەۋ بارىسىندا پوليتسەيلەر, قايىن جۇرتىنا قىدىرىپ كەلگەن ەر ادام كٶزٸ ناشار كٶرەتٸنٸنە بايلانىستى تۋىسىنىڭ ٷيٸن تابا الماي, اۋىلدى ارالاپ جٷرگەن. ول ۇيالى تەلەفونىنىڭ قۋاتى تاۋسىلىپ, جاقىندارىنا حابارلاسا الماعان.
ٶز كەزەگٸندە ارىزدانۋشى ەيەل مەن قايىن جۇرتى پوليتسەيلەرگە العىس ايتتى.
