Foto: Polisia.kz
Túrkistan oblysynyń politseileri jergilikti turǵynnyń ólimine kináli adamdy anyqtady, dep habarlaidy "Ult aqparat" IIM Telegram-arnasyna silteme jasap.
Vedomstvo baspasóz qyzmetiniń málimetinshe, 22 aqpan túngi ýaqytta Túrkistan qalalyq PB-nyń kezekshi bólimine jedel járdem qyzmetinen kóshe qiylystarynyń birinde pyshaq jaraqaty bar er adamnyń máiiti tabylǵany týraly habarlama túsken.
Jábirlenýshiniń bazarda qasapshy bolyp jumys istegen jergilikti turǵyn ekeni anyqtaldy.
Aýyr qylmysty ashý maqsatynda tártip saqshylary kýágerlerden jaýap alyp, barlyq politsiia beketterine habarlaǵan.
"Kúdikti sol túni ustaldy. Ol - Túrkistan qalasynyń turǵyny. Jas jigit óz kinásin moiyndady. Zattai dálel retinde as úi pyshaǵy alyndy.
Aldyn ala málimetter boiynsha, eki er adam arasynda mal etin kesýge qatysty janjal týyndap, nátijesinde jábirlenýshi pyshaqtalyp, kúdikti oqiǵa ornynan qashyp ketken.
QR QK-niń 99-baby 1-bóligi boiynsha ("Kisi óltirý") sotqa deiingi tergeý amaldary jáne oqiǵanyń tolyq mán-jaiyn anyqtaý maqsatynda qajetti is-sharalar júrgizilip jatyr" - delingen habarlamada.
