Túrkistan oblysy boiynsha 1 791 201 elektrondy densaýlyq pasporty jasaqtaldy. Bul óńir halqynyń 98 paiyzyn quraidy. Sondai-aq, oblystaǵy barlyq meditsina qyzmetkeri aqparattyq júie boiynsha oqytylyp, 290 668 azamat mobildik qosymshany paidalanǵan. Bul týraly Túrkistan oblysynyń Óńirlik kommýnikatsiialar qyzmetinde ótken brifingte Densaýlyq saqtaý basqarmasynyń basshysy Muqan Egizbaev málimdedi.
Sonymen qatar, elektrondyq meditsinalyq jazýlar sany 1 701 891-ge jetip, eńbekke jaramsyzdyq paraǵy elektrondyq nusqada 52 563 adamǵa berilgen. Aýdandyq, qalalyq emhanalarda 20 tsifrlyq kómek posttary ashylyp, onda 408 201 adam oqytyldy.
Basqarma basshysynyń aitýynsha, oblystaǵy meditsina uiymdarynyń jabdyqtalýy 65 paiyzdan asqan.
«Aǵymdaǵy jyly meditsinalyq uiymdardyń materialdyq-tehnikalyq jabdyqtalýyna 8,1 mlrd. teńge bólinip, ótken jylmen salystyrǵanda 1,5 esege artyp otyr. Birinshi kezekte ana men bala, jansaqtaý, ota jasaý, jedel járdem qyzmetin kúsheitýge jáne «Tsifrlyq Qazaqstan» baǵdarlamasyn iske asyrýǵa basymdyq berilip otyr. Budan ózge, Túrkistan qalalyq emhananyń jáne Túrkistan qalasyndaǵy 610 tósek orynǵa arnalǵan oblystyq kópsalaly aýrýhananyń, sondai-aq oblystyq týberkýlezge qarsy jáne onkologiialyq ortalyqtardyń qurylysyn júrgizý, Túrkistan qalasynda oblystyq jedel járdem stansysyn jańǵyrtý jáne paidalaný jobalary josparlanýda», - dedi Muqan Keńesbekuly.
Onyń málimdeýinshe, 2018 jyly oblysta 15 aýyldyq emhana men 5 dárigerlik ambýlatoriia 20 Bastapqy meditsinalyq-sanitariialyq kómek (BMSK) bolyp qaita qurylǵan. Sonymen qatar, Kentaý, Sairam, Saryaǵash aýdandarynda 3 insýlttik ortalyq ashylyp, oblystyq biýdjet esebinen 3 dana kompiýterlik tomograf satyp alyndy.
