Túrkistan oblysy ákimdiginde májilis ótti. Jiynda Memleket basshysynyń 2022 jylǵy 12 jeltoqsanda Úkimettiń keńeitilgen otyrysynda bergen tapsyrmalaryn iske asyrý jónindegi sharalar sóz boldy. Mejeler aiqyndalyp, josparlar bekitildi. Darhan Satybaldy óńirdi damytý baǵytynda barlyq salada jumysty kúsheitýdi tapsyrdy.
«Qazirgi tańda eń ózekti másele – jańa jumys oryndaryn ashý, investitsiia tartý. Oblystyń respýblikalyq biýdjetke táýeldiligin tómendetý, kiris kózderin arttyrý. Aýyl sharýashylyǵy, investitsiia salalarynda jumystardy júieleý kerek. Árbir basqarma basshysy, aýdan, qala ákimderi osy boiynsha jumys júrgizýleri tiis», – dedi Darhan Satybaldy.
Májiliste Oblystyq strategiia jáne ekonomikalyq damý basqarmasynyń basshysy Q.Qaiypbektiń, Aýyl sharýashylyǵy basqarmasy basshysynyń orynbasary N.Myrzahmetovtyń, Investitsiia jáne eksport basqarmasy basshysynyń mindetin atqarýshy Q.Shonbasovtyń baiandamalary tyńdaldy.
Oblysta 2022-2026 jyldar aralyǵynda júzege asyrylatyn jalpy quny 1,9 trln. teńgege 9596 jańa jumys orynyn quraityn 71 investitsiialyq jobanyń tizbesi qaita ózektendirildi. Biylǵy jyldyń sońyna deiin jalpy quny 29,9 mlrd. teńgege 1197 jumys ornyn qurýmen 25 investtsiiialyq jobany júzege asyrý josparlanǵan. Qazirgi ýaqytta jalpy quny 26,6 mlrd. teńgege 1116 jumys ornyn ashýmen 21 investitsiialyq joba iske qosyldy. Túrkistan oblysynyń investitsiialyq ahýalyn jaqsartý boiynsha 2023 jylǵa arnalǵan 48 sharadan turatyn keshendi jospar ázirlengen.
Aýyl sharýashylyǵyn damytý boiynsha da tyń jobalar qolǵa alynady. Jyldyq 2,5% mólsherlememen qoljetimdi nesielendirý sharttary aýyl turǵyndarynyń tabysyn arttyryp, ál-aýqatyn kóterýge jańa serpin beredi. Joba sheńberinde alǵashqy kezeńge
17 aýyldyq okrýgten 3,3 myń qosalqy sharýashylyq qatysady,
3725 jańa jumys oryndary qurylady. Otbasylyq sút fermalary men bordaqylaý alańdaryn qurý, qus eti baǵytyndaǵy fermalardy qurý, balyq sharýashylyǵyn damytý, aýyl sharýashylyǵy ónimderin saqtaý jáne qaita óńdeý salasyn damytýǵa basymdyq beriledi. 8 iri investitsiialyq joba júzege asyp, 500-den astam turǵyn jumyspen qamtylady.
Osy jáne ózge de máseleler talqylanǵan jiynda Kentaýdaǵy №5 JEO jóndeý, jylý sapasyn arttyrý máselesi de aityldy.
Oblys ákimi basqarma basshylary men aýdan, qala ákimderine halyqtyń áleýmettik jaǵdaiyn kóterý baǵytyndaǵy jobalardy shiratyp, shynaiy janashyrlyqpen jumys isteýdi tapsyrdy.
